2023жылы 20қазан күні Абай облысы Аягөз ауданы Тарлаулы ауылындағы "К.Кадыржанов атындағы Қызылқия жалпы білім беретін мектебінің" құрылғанына 100 жыл толуына арналған мерейтой болып өтті.
2023жылы 20қазан күні Абай облысы Аягөз ауданы Тарлаулы ауылындағы "К.Кадыржанов атындағы Қызылқия жалпы білім беретін мектебінің" құрылғанына 100 жыл толуына арналған мерейтой болып өтті.Мерекелік іс-шараның ашылу салтанатын Қызылқия мектебінің 2000жылғы түлегі,қазіргі танымал сазгер,ақын,әнші,педагог Марат Оразаев жүргізді.Мерейтойға шақырылған құрметті қонақтар мен мектеп түлектерін құрметпен қарсы алып күту үшін арнайы мектеп алдына ауыл әкімі Нұрбек Рахатұлының көмегімен қазақ үй тігіліп,дастархан жасалды.Аудандық білім бөлімінен әдіскер Алдабергенова Анар Қадірсізовна қатысып,аудандық білім бөлімі басшысы Н.Т.Азимбаевтың құттықтау хатын табыстады.Мерейтой Жамал Кәрімқызының "Сүйікті Қызылқия"әнін мектеп ұжымының хоры орындауында ашылды. Мектеп директоры Н.М.Габидуллин "Мектеп тарихы-жетістіктер баспалдағы" тақырыбында қысқаша шолу жасады.Мерекеге арнайы Павлодар қаласынан келген мектеп түлегі,Қазақстан Республикасы Ғылым академиясының академигі,докторы,профессор Трушев Аймухамет Қасымбайұлы өзін оқытқан ардагер ұстаздарын қарсы алып ,қошеметтеп,алғыс сөзін білдірді,жас ұрпаққа өзінің және Мәшһүр-Жүсіп Көпеевтің немересі Қуандық Мәшһүр-Жүсіптің кітаптарын сыйға тартты.Құрметті қонақтардың қатарында ардагер ұстаздар Рахат Қабдыкешұлы,Аманжол Сарсекейұлы,Серікқан Көкпайұлы,Нұрған Бағымшыбайқызы,Жеңіс Апсеитова,Ақлима Бектөлеуова,Шарбат Төлеуқызы, Қарлығаш Дайырова,Асқар Сейсенбинов,Надима Увазырова,Ғалия Назанқызы,Сауле Бекбатырқызы,Нұржанат Сұлтанқызы,Меруерт Қабдуахитқызы,Гаухар Рахатқызы,Есімхан Назарбекұлы жайғасты.Той барысында химия кабинеті,Есенсары Құнанбаев атындағы қазақ тілі және әдебиеті кабинеті,Дінмұхамет Жантасов атындағы орыс тілі кабинеті,Назарбек Сейтмолдин атындағы математика кабинеті,Жұматаев Аманжол Сарсекейұлы атындағы мектеп музейі ашылды.Түске дейін греко-рим және қазақша күрестен жасөспірімдер мен ауыл жастарының арасында турнир өтілсе,түстен кейін тай жарыс және топ жарыстан аламан бәйге болып,жеңімпаздарға ақшалай сыйлықтар берілді.Түс уақытында осы мектептеиқызмет еткен дүниеден өткен барлық ұстаздарға арналып құран оқылып,ас берілді.Қорытынды кеште осы 100жылдық мерейтойдың ұйымдастырушысы,мектеп түлегі,директордың оқу ісі жөніндегі орынбасары Екимбаева Индира Нигметжановна тойға демеуші болған барлық мектеп түлектерінің еңбектерін атап,алғыс білдірді және мектеп әкімшілігі атынан алғыс хаттар мен сый-сыяпаттар табысталды.Кеш соңы Марат пен Жазираның шәкірттері мен өнердегі достарының орындауындағы ән кешімен ұласты.Той барысында Марат Оразаевтың өз мектебіне арналған "Қызылқиям менің"атты жаңа әнінің тұсауы кесілді.Гала-концерттен кейін тойханада кешкі тамақ беріліп,дастархан басында мектеп түлектері өздерінің сүйікті мұғалімдері туралы естеліктерімен бөлісті.Мерейтой жоғары деңгейде ұйымдастырылып өтілді,қонақтар өте көңілді,әсерлі күйде тарқасты.
