28 сәуір 2023жыл Абай облысы Аягөз ауданы Тарлаулы ауылындағы «К.Кадыржанов атындағы Қызылқия жалпы орта білім беретін мектебі»КММде «Оқыту мен тәрбиеде ұлттық құндылықтарды тиімді пайдалану жолдары»

28 сәуір 2023жыл Абай облысы Аягөз ауданы Тарлаулы ауылындағы «К.Кадыржанов атындағы Қызылқия жалпы орта білім беретін мектебі»КММде «Оқыту мен тәрбиеде ұлттық құндылықтарды тиімді пайдалану жолдары» тақырыбында Серіктес мектептер арасындағы аймақтық семинар өтілді.Мақсаты: серіктес мектептер арасындағы ынтымақтастық байланысты арттыру, оқыту және тәрбиелеу ісі бойынша мұғалімдерге іс -тәжірибелерімен алмасу үшін мүмкіндік беру,ұлттық құндылықтарды негізге ала отырып білім алушыларды ұлтжандылыққа,ата- баба салт –дәстүрін , туған ел тарихын құрметтеп үлгі тұтуға тәрбиелеу. Семинарға Серіктес мектептер үйлестірушісі «Сергиополь жалпы орта білім беретін мектебі»КММ директорының оқу ісі жөніндегі орынбасары Бақытгүл Тұрлыханқызы өз мектеп мұғалімдерімен келіп қатысты. Ұлттық мәртебе күніне сәйкес өтілген семинар барысында педагог -зерттеуші Қабдыкешова Ля Далелқызы «Қазақстандағы туризм» тақырыбында 8сыныпта қазақ тілінен ашық сабақ, педагог- сарапшы Оралбаева Сұлушаш Қуанышбекқызы «Салт- дәстүрім салтанатым» тақырыбында 7сыныпта ашық сынып сағатын, педагог- модератор Жетписбаева Камшат Баяхметқызы 9-10-11сыныптарарасында «Көкпар» ұлттық танымдық сайыс ,сыныптан тыс іс- шарасын өткізді. Семинардың ашылу салтанаты мектеп директоры Габидуллин Нуркенже Махмұтұлының құттықтау сөзімен ашылып, мектептің өнерлі оқушыларының шағын концертімен жалғасты.Семинардың SWOT талдауы жасалып, мектеп психологы Касымова Арайлым Жанахметқызы мен бастауыш сынып мұғалімі Салменбаева Жадра Бекенқызы семинарға қатысушылармен тренинг өткізді.Қорытынды сөз кезегінде мектеп директорының оқу ісі жөніндегі орынбасары Екимбаева Индира Нығметжанқызы тәжірибе алмасу бағытында өткен бұл семинардың екі мектеп мұғалімдері үшін де маңызы зор екенін ,мұндай іс- шаралардың міндетті түрде жалғасын табатынын атап көрсетіп, мектеп ұжымына «Қызылқия мектебінің 100жылдық» мерейтойы аясындағы өтілген семинардың сәтті өтуіне қосқан үлестері үшін алғыс білдірді.